Asociación pola Recuperación da Memoria Histórica de Marín (ARMH Marín)

  Dna. Enriqueta R. Otero Farto, Presidenta da Asociación para a Recuperación da Memoria Histórica de Marín (ARMM) con CIF G36580132 e sede social no Canellón Teimón 12 de Marín (36900 Pontevedra); traslada a Convocatoria da Asemblea Anual Ordinaria. Convocatoria Asemblea Anual Ordinaria Data: sábado 20 de abril de 2024 Hora: ás 11:30 horas en 1ª convocatoria e ás 12:00 horas en 2ª convocatoria . Lugar: local social do Ateneo Santa Cecilia (Rúa do Forno 42 – 36900 Marín).   Orde do día: - Benvida e apertura da Asemblea. - Lectura e aprobación, se procede, da acta anterior. - Lectura e aprobación, se procede, das contas correspondentes ó exercicio 2023. - Memoria de actividades 2023. - Previsión programación actividades 2024. - Rogos e preguntas.     A presente convocatoria emítese en Marín, a catro de abril de 2024       Enriqueta R. Otero Farto Presidenta da ARMH Marín

Deixamos aquí imaxes e algún vídeo das intervencións no acto celebrado o pasado 31 de decembro no Paseo Alcalde Antonio Blanco. FORON CINCUENTA ANOS DE AMOR, PERO EN SILENCIO.  NUNCA VOS ESQUECEREMOS Esta frase é do 12 de novembro de 1986, cando se cumprían cincuenta anos do golpe de estado xenocida que sementou o terror. A frase encabezaba unha nota necrolóxica que a familia de Luis Poza e Jose Adrio publicaran en prensa no aniversario dos seus fusilamentos. Aquela  noite en Pontevedra foran asasinadas dez persoas. Todos tiñan en común ter sido incluídas no grupo que os golpistas consideraban necesario exterminar. Os que chamaron “rojos”. Lonxe do bolchevismo e o judeomasónico, o que tiñan en común, o que facía preciso que estes foran exterminados era a defensa da fraternidade, da liberdade, da igualdade. Da democracia. Os sublevados, os golpistas, querían que o réxime instaurado perdurase, e para iso a aniquilación deles era precisa.  Tamén dos seis  veciños de Marín que, pouco máis

     Este xoves, ás 20:00 horas no salón de actos do Museo Municipal Manuel Torres, comezará a presentación da novela de Iria Morgade Valcárcel Quen escribirá a miña historia? "As persoas presas no campo de concentración fronte ao mar non paraban de debuxar nas paredes do mosteiro. Facíano quizais para voar lonxe do horror. Tamén escribían, deixando nos muros as súas últimas mensaxes, os seus derradeiros pensamentos. Unha desas frases convértese para Alba nun enigma que é preciso resolver. Intentalo levaranos a unha viaxe entre os anos trinta e o novo milenio, entre dous confinamentos ben diferentes, entre o presente e o pasado, aquel dos presos do mosteiro, pero tamén o da propia Alba, cativa, tamén ela, da violencia que non pasa."

 

 

Deixamos aquí dous momentos da proxección do documental ACORDAMOS o pasado 26 de setembro na Casa da Cultura de Seixo. Dada a demanda, dentro do programa de actos do mes de decembro volveremos visionalo, o mércores día 20, na Biblioteca Municipal Vidal Pazos.

  Durante moito tempo as vítimas foron o centro de atención nos estudos sobre a represión franquista, era xusto e necesario que ocupasen o lugar principal na recuperación da memoria e dar a coñecer as súas historias de vida a toda a poboación. Pero no relato histórico hai unha ausencia, un silencio que chama a atención e que é o do nome dos asasinos. Porque non hai vítimas sen verdugos e as persoas que perderon a vida non o fixeron por morte natural ou, como se di ás veces, nunha guerra civil que aquí non tivo fronte de batalla. Detrás de cada “hemorraxia interna”, de cada “síncope cardiaco”, que constan no rexistro, houbo as balas dunha pistola ou dun fusil, unhas persoas que apertaron o gatillo, outras que decidiron a quen había que eliminar, uns tribunais visibles que asinaron as sentencias ou uns tribunais secretos que decidiron a quen pasear. Houbo tamén unha parte da poboación que delatou, que colaborou ou que mirou para outro lado. Distintos graos de responsabilidade a fin de co

Intervención de Montse Fajardo o pasado 18 de agosto na homenaxe a Carmen Pesqueira Domínguez, A Capirota, na praza que leva o seu nome en Marín. "Non sei se sabedes que o noso dicionario no recolle ningunha entrada coa palabra Capirota e no de linguas próximas só se recolle unha acepción similar en masculino, Capirote, prenda semellante á nosa capucha. O mesmo pasa coa historia das mulleres: ou non existe ou aparece diluída no relato dos homes. O agocho é aínda maior no caso das que foron vítimas do franquismo: Ou non se fala delas, ou apenas son nomeadas no contar do padecemento deles ou aparecen cinguidas co capirote de tolas. E tontas de capirote somos tamén para moitos nós, quen non nos conformamos co relato imposto. Por iso convertemos á Capirota en símbolo, non só representa a Carme Pesqueira, tamén a cada unha das mulleres que, coma ela, se negaron a mirar cara a outro lado cando campou o fascismo. Como se fosen aguias que a cetrería cega con capucha para poder domar.

  Dna. Enriqueta R. Otero Farto, Presidenta da Asociación para a Recuperación da Memoria Histórica de Marín (ARMM) con CIF G36580132 e sede social no Canellón Teimón 12 de Marín (36900 Pontevedra); traslada a Convocatoria da Asemblea Anual Ordinaria. Convocatoria Asemblea Anual Ordinaria Segundo o capítulo III (artigos 16 a 21) dos Estatutos da Asociación para a Recuperación da Memoria Histórica de Marín, a Presidenta convoca a ASEMBLEA XERAL ORDINARIA no lugar e datas que seguen: Data: sábado 25 de marzo de 2023 Hora: ás 11:30 horas en 1ª convocatoria e ás 12:00 horas en 2ª convocatoria. Lugar: local social do Ateneo Santa Cecilia (Rúa do Forno 42 – 36900 Marín). Orde do día: - Benvida e apertura da Asemblea. - Lectura e aprobación, se procede, da acta anterior. - Lectura e aprobación, se procede, das contas correspondentes ó exercicio 2022. - Memoria de actividades 2022. - Previsión programación actividades 2023. - Rogos e preguntas. A presente convocatoria emítese en Marín, a nove d

25 xaneiro 2023 - Cine SEIXO  20 horas Proxección documental "ACORDA Cartografía Musical da Memoria Histórica de Pontevedra”    O mércores día 25 de xaneiro ás oito da tarde no Cine Seixo (Rúa Doctor Ulloa, 108 - Seixo, Marín) a Asociación pola Recuperación da Memoria Histórica de Marín invita as veciñas de Marín e do Morrazo a asistir a un evento gratuito até completar aforo organizado en colaboración co programa de Memoria Histórica da Deputación de Pontevedra "O Pasado Por Vir" , onde se proxectará o documental “Acorda. Cartografía Musical da Memoria Histórica de Pontevedra” , unha peza audiovisual baixo a dirección artística de Uxía Senlle e Marina Carracedo, o guión de Lois Pérez, a dirección de Lucas Terceiro e o asesoramento de contidos de Montse Fajardo, que dá a coñecer lugares singulares para a memoria dentro da provincia (O Pozo da Revolta, A Ponte do Regueiro, Anguieiro, Alcabre, A Volta da Bombardeira, A Volta da Moura, San Simón "illa da Memoria

  Este venres, día   18 de novembro ,  terá lugar a presentación do novo libro de  Xosé Álvarez Castro ,  O S ANOS DO SILENCIO.  Represión e resistencia na provincia de Pontevedra (1936-1951) , organizada pola Asociación para a Recuperación da Memoria Histórica de Marín. O acto comezará  ás 20:00 h no Museo Municipal Manuel Torres. A obra ven a completar a investigación iniciada con  Pontevedra nos anos do medo. Golpe militar e represión (1936-1939) , publicado en 2013, ampliando o estudo a toda a provincia e o período ata a principios da década de 1950; o chamado “primeiro franquismo”.  A represión empregada contra a oposición política, a represión económica, a sufrida polas mulleres e a efectuada contra a masonería teñen un tratamento especial, afondando nas formas, composición e actuacións da resistencia contra o Réxime, así como as estratexias empregadas polas autoridades franquistas para combatelas.

  O RONSEL DA MEMORIA  Presentación do libro “ALEJANDRO VIANA. UN GALEGO Á FRONTE DO RESCATE DOS REFUXIADOS REPUBLICANOS” O venres 21 de outubro no salón de actos do Museo Municipal “Manuel Torres” de Marín terá lugar a presentación do libro “ALEJANDRO VIANA. UN GALEGO Á FRONTE DO RESCATE DOS REFUXIADOS REPUBLICANOS” de Roberto Mera Covas, editado por Belagua Ediciones. O acto terá lugar ás 20 horas e será conducido polo integrante da Asociación pola Recuperación da Memoria Histórica de Marín, Tino Iglesias. Roberto Mera recuperou do caixón das historias esquecidas ou non coñecidas, a vida e a extraordinaria odisea do seu tío bisavó, o deputado republicando iniciada o 18 de xullo de 1936 polo seu tío bisavó Alejandro Viana Esperón, un home íntegro e entregado aos demais, que participou activamente na evacuación duns 17.000 refuxiados republicanos de Francia a diversos países de América. Esta obra resultou gañadora do Premio Antón Losada Diéguez de Investigación 2022. O xurado destaco