31 de decembro de 2018 | "Homenaxe aos que defenderon a liberdade 1936-2018". Paseo "Alcalde Antonio Blanco | Intervención de Xaime Toxo " A fidelidade da memoria histórica"

Como cada 31
de decembro, reunímonos no Paseo Alcalde Antonio Blanco para lembrar e rendir sentida homenaxe ás persoas que defenderon a liberdade e a democracia contra a barbarie franquista.

Enriqueta Otero, presidenta da ARMH de Marín, abreu o encontro dando lectura ao manifesto deste ano.

Xaime Toxo, como presidente do colectivo convidado este ano, o Ateneo de Pontevedra, centrou o acto co seu discurso sobre A fidelidade da Memoria Histórica. 
(Pincha aquí para acceder ao texto íntegro).








Nee Barros ofrécenos un novo relato que nos emociona, nesta ocasión rescatado da memoria da súa propia familia.

A música ten sempre un papel importante nos nosos actos; desta vez, as voces de Amigos da Memoria envolveron as lembranzas e os desexos de xustiza, verdade e reparación.

O grupo de gaitas Os de Marín acompañaron a ofrenda floral de familiares e público presente, ante o monumento instalado no Paseo Alcalde Antonio Blanco.