Asociación pola Recuperación da Memoria Histórica de Marín (ARMH Marín)

O vindeiro martes, 28 de xullo, ás 20:00 h . no Museo Manuel Torres , terá lugar a presentación do ensaio María Vázquez, a mestra socialista eliminada polo franquismo , de Aurora Marco . Contaremos coa intervención da autora, acompañada por Mabel Santiago, da ARMH de Marín, e Rogelio Pérez, da Fundación Luís Tilve.   Aurora Marco fai un percorrido polas etapas vitais de María Vázquez desde o seu nacemento en 1894 até que a fusilaron en 1936 . O libro non é só unha biografía senón un esforzo por reparar a memoria dunha muller pioneira, explorando non só a súa dimensión pedagóxica, como mestra preocupada polos métodos de ensino e pola formación das nenas e nenos, senón tamén o seu papel como militante e activista no seo do socialismo e o sindicalismo galego, recuperando o seu legado e o seu compromiso coa educación, cos dereitos e coa igualdade, que a historia oficial tentou silenciar. "Resoaron na noite os disparos que acabaron coa vida dunha mestra vocacional, dunha renovadora pe...

 

 

 

 

  Este xoves, 23 de outubro ,   presentamos   Mauro , de Mikel Guerendiain , ás 20:00 h. no Museo Municipal Manuel Torres. Mauro é a primeira novela de Mikel Guerendiain, que nace da que está considerada unha das maiores evasións carcerarias de Europa: a fuga do penal franquista de San Cristóbal, en Pamplona , o 22 de maio de 1938. Arredor   de oitocentos presos participaron nela e moitos deles foron abatidos ou detidos nas horas seguintes, pero outros lograron escapar polos montes do norte de Navarra tentando chegar á fronteira con Francia. Durante días mantívose a cacería na que se viron envoltos non só os fuxidos e os perseguidores, senón tamén os habitantes deses pobos fronteirizos, que viron alteradas as súas vidas.   MIKEL GUERENDIAIN AZPIROZ, naceu en   Ciaurriz, Navarra, en 1983, é Licenciado en Historia pola Universidade de Navarra e na actualidade exerce como profesor de Xeografía e Historia.

 

Imaxes, intervencións e música do acto nacional de lembranza e homenaxe que tivo lugar na Illa de San Simón o pasado 20 de xullo. Preme na imaxe para acceder á intervención de Mariña Paz. Preme na imaxe para acceder á intervención de Xurxo Ayán.

  Aquí unhas fotos dalgúns momentos do acto. Intervención musical de Andrés Pena Intervención de José Luís Pallín Intervención de Aarón Franco

 O vindeiro sábado día 29 de marzo  terá lugar a Asemblea Anual Ordinaria da ARMH de Marín, ás 11:00 h. en primeira convocatoria e ás 11:30 h. en segunda convocatoria, no local social do Ateneo Santa Cecilia na Rúa do Forno, nº 46. A continuación, ás 11:30h. en primeira convocatoria e ás 12:00 h. en segunda convocatoria, celebrarase a Asemblea Extraordinaria para a elección da nova Xunta Directiva. Deixamos aquí as correspondentes ordes do día.

O vindeiro sábado 25 de xaneiro, ás 12:00 h., terá lugar a presentación do traballo de investigación Ciudad de la Selva, Historia e arqueoloxía da guerrilla nos montes de Casaio. Será no salón de actos do Museo Municipal Manuel Torres.  

O pasado 31 de decembro, o acto de HOMENAXE E LEMBRANZA ÁS PERSOAS QUE DEFENDERON A LIBERDADE xuntounos un ano máis no Paseo Alcalde Blanco. Queta Molas, presidenta da ARMH de Marín, presentou o acto e a continuación leu a carta que o alcalde Antonio Blanco escribíu á familia dende o cárcere.  O investigador e escritor Xosé Álvarez Castro, centrou o acto coa súa exposición sobre a represión no ámbito do ensino, concretada nas vidas de tres profesores do instituto de Pontevedra: Juan Carlos Villar García, Mariano García Martínez e Celestino Noya Rodríguez. Uxía Lubián Pardellas deu lectura á carta que o seu avó escribira ao pai, mestre tamén naqueles anos oscuros. A música de Ulises Trío acompañounos durante o acto. Como remate, fíxose a tradicional ofrenda floral.