Lugares de Memoria en Marín

LUGARES DE MEMORIA EN MARÍN

Cemiterio da Raña

O sábado 23 de decembro de 2017, tras máis de ano e medio de xestións administrativas, a ARMH Marín levou a bo porto a instalación dunha placa no muro exterior da Raña, para sinlar este lugar como escenario da represión.

Entre diversos sucesos acaecidos no lugar, está na memoria colectiva un especialmente tráxico do 7 de decembro de 1936 cando apareceron os corpos dos veciños da vila irmá de Bueu dos concelleiros Francisco Escáneo Franco e Francisco García Villanueva, así como os dos direxentes obreiros Jacinto Lamosa Novas, José Seixas Camiña e Julio Castro Martínez, brutalmente asasinados nas inmediacións co cemiterio.

Sumouse a este acto a Asociación Amigos de Johan Carballeira, de Bueu.

Coordenadas

******************************************************

Cruz da Maceira

PO-313 punto kilométrico 8,6 Marín - Moaña (O Con)

Coordenadas

Paseo "Alcalde Antonio Blanco"

Pozo da Revolta

Bagüín 23 - Marín (36911 Pontevedra) ao carón da PO-511 nº 170

Coordenadas: 42.378624,-8.724823

https://goo.gl/maps/TfGhneVTkvfPqg6x5

Carme, A Capirota,

tocouche vivir nun tempo de tronos,

fartácheste de traballar

e por mais que lavaches e lavaches

para señoritos insatisfeitos,

non te libraches da súa brutalidade,

a tú condición de muller solidaria

levolute a sufrir a súa atrocidade.

O pozo da Revolta recolleu o teu corpo

despois do horror,

e neste lugar

floreceron mil rosas vermellas,

mil paxaros anunciaron a túa valentía,

e toda a ría foi testemuña

da dor e do valor dunha muller.

Manolo Graña

Praza Carmen Pesqueira "A Capirota"

Rúa da Roda, 23 - Marín (36900 Pontevedra)

Coordenadas: 42.392101,-8.70094

https://www.google.es/maps/@42.3921309,-8.7011665,3a,84.5y,54.49h,86.14t/data=!3m8!1e1!3m6!1sAF1QipPiXtSmIEFZT5wP3lZKPdN4pA1DY8MKiJ4caxB6!2e10!3e11!6shttps:%2F%2Flh5.googleusercontent.com%2Fp%2FAF1QipPiXtSmIEFZT5wP3lZKPdN4pA1DY8MKiJ4caxB6%3Dw203-h100-k-no-pi-0-ya160.90318-ro-0-fo100!7i10240!8i5120

Atendendo ao acordo unánime do Pleno do Concello de Marín celebrado o 9 de maio de 2018, a iniciativa do grupo municipal do BNG, tivo lugar o descubrimento dunha placa conmemorativa na nova Praza e Xardín que leva o nome da nosa veciña na Rúa da Roda, coa presenza e participación de familiares da homenaxeada.

O Concello de Marín solicitou a colaboración activa da Asociación para a Recuperación da Memoria Histórica de Marín para a organización do acto público

Pedra da Liberdade

Comentarios

Publicacións populares deste blog

CARMEN PESQUEIRA DOMÍNGUEZ, A CAPIROTA

Intervención de Asun Bernández Rodal no acto de lembranza do pasado 18 de agosto. "A memoria de Carme Pesqueira Domínguez, unha muller traballadora asasinada un día coma hoxe no ano 1936, segue viva. Era nova e estaba resolta a non calar a boca fronte ás inxustizas, e por iso foi tiroteada polos fascistas un 18 de agosto, xusto ao mes do levantamento militar franquista. En Galiza a represión foi rápida e cruenta, e empezou aos poucos días do levantamento. Aquí non houbo fronte militar, pero os mortos estiveron en todas partes. Os falanxistas, apoiados polos poderes políticos e parte da sociedade civil, tiveron as mans libres para actuar de forma sanguenta e impune. Hoxe seguimos recordando ás asasinadas, aos asasinados que foron a cara máis fera e doente do terror imposto por un réxime que ía manexar a violencia física, institucional e ideolóxica coma o seu principal instrumento de poder. Foron as execucións, pero tamén as desaparicións, as detencións, as malleiras, as condenas a

Ler máis

LEMBRANZA E HOMENAXE A CARMEN PESQUEIRA DOMÍNGUEZ "A CAPIROTA"

Intervención de Montse Fajardo o pasado 18 de agosto na homenaxe a Carmen Pesqueira Domínguez, A Capirota, na praza que leva o seu nome en Marín. "Non sei se sabedes que o noso dicionario no recolle ningunha entrada coa palabra Capirota e no de linguas próximas só se recolle unha acepción similar en masculino, Capirote, prenda semellante á nosa capucha. O mesmo pasa coa historia das mulleres: ou non existe ou aparece diluída no relato dos homes. O agocho é aínda maior no caso das que foron vítimas do franquismo: Ou non se fala delas, ou apenas son nomeadas no contar do padecemento deles ou aparecen cinguidas co capirote de tolas. E tontas de capirote somos tamén para moitos nós, quen non nos conformamos co relato imposto. Por iso convertemos á Capirota en símbolo, non só representa a Carme Pesqueira, tamén a cada unha das mulleres que, coma ela, se negaron a mirar cara a outro lado cando campou o fascismo. Como se fosen aguias que a cetrería cega con capucha para poder domar.

Ler máis

10 de xuño, 20 horas - Salón de Actos da Biblioteca Pública Municipal "Vidal Pazos" de Marín - Presentación do libro "CRÓNICA DA II REPÚBLICA ESPAÑOLA NO CONCELLO DE MARÍN (1931-1936)” dos investigadores Celso X. Milleiro e Xosé Manuel Moreira

Está claro que vivimos o presente e descoñecemos o futuro, pero para entender o noso presente temos a necesidade e a obrigación, tal e como afirmaba o historiador Juan Antonio Lacamba, de acadar “unha conciencia do noso pasado como compoñente inevitable do presente”. Para elo é fundamental o traballo dos investigadores e historiadores na análise da sociedade e dos seus cambios ao longo do tempo. A historia local en épocas pasadas tiña un perfil más de crónica e de análise interpretativa dos feitos acontecidos. Xa fai varios anos que o plantexamento é moi distinto, con estudos sustentados na indagación documental e encaixando de forma activa a historia local nun contexto máis global tanto a nivel xeográfico (comarca, país,...) como de espazo temporal dun período concreto. Esta investigación da memoria colectiva sustenta as raíces do presente dos pobos atopando a conciencia do seu pasado e da súa identidade. Todo o indicado é a base do traballo de Celso e Xosé Manuel, que inves

Ler máis

Asociación pola Recuperación da Memoria Histórica de Marín (ARMH Marín)

Buscar neste blog