18 de novembro O RONSEL DA MEMORIA Presentación do libro “OS ANOS DO SILENCIO. REPRESIÓN E RESISTENCIA NA PROVINCIA DE PONTEVEDRA (1936-1951)”

Este venres, día 18 de novembro, terá lugar a presentación do novo libro de Xosé Álvarez Castro, OS ANOS DO SILENCIO. Represión e resistencia na provincia de Pontevedra (1936-1951), organizada pola Asociación para a Recuperación da Memoria Histórica de Marín. O acto comezará ás 20:00 h no Museo Municipal Manuel Torres.

A obra ven a completar a investigación iniciada con Pontevedra nos anos do medo. Golpe militar e represión (1936-1939), publicado en 2013, ampliando o estudo a toda a provincia e o período ata a principios da década de 1950; o chamado “primeiro franquismo”.
A represión empregada contra a oposición política, a represión económica, a sufrida polas mulleres e a efectuada contra a masonería teñen un tratamento especial, afondando nas formas, composición e actuacións da resistencia contra o Réxime, así como as estratexias empregadas polas autoridades franquistas para combatelas.

Comentarios

Publicacións populares deste blog

Lugares de Memoria en Marín

LUGARES DE MEMORIA EN MARÍN Cemiterio da Raña O sábado 23 de decembro de 2017, tras máis de ano e medio de xestións administrativas, a ARMH Marín levou a bo porto a instalación dunha placa no muro exterior da Raña, para sinlar este lugar como escenario da represión. Entre diversos sucesos acaecidos no lugar, está na memoria colectiva un especialmente tráxico do 7 de decembro de 1936 cando apareceron os corpos dos veciños da vila irmá de Bueu dos concelleiros Francisco Escáneo Franco e Francisco García Villanueva, así como os dos direxentes obreiros Jacinto Lamosa Novas, José Seixas Camiña e Julio Castro Martínez, brutalmente asasinados nas inmediacións co cemiterio. Sumouse a este acto a Asociación Amigos de Johan Carballeira, de Bueu. Coordenadas ****************************************************** Cruz da Maceira PO-313 punto kilométrico 8,6 Marín - Moaña (O Con) Coordenadas Paseo "Alcalde Antonio Blanco" Pozo da Revolta Bagüín 23 - Marín (36911 Pontevedra)...

Ler máis

SAN SIMÓN - ILLA DA MEMORIA

Como cada mes de xullo, volvemos á illa de San Simón para xuntarnos no acto anual de lembranza, homenaxe e reivindicación de XUSTIZA, VERDADE E REPARACIÓN. Nesta ocasión, tendo como eixe a solicitude de recoñecemento deste espazo como Lugar de Memoria, eliminando así a anomalía histórica na que se atopa, pola absoluta desidia e deixadez de funcións de administracións e do goberno da Xunta de Galicia. Deixamos aquí as intervencións de Iria Morgade Valcárcel, Claudio Rodríguez Fer, Pilar López Vera, en representación de familiares de presos de Andalucía, e Guillerme Pérez, que deu lectura ao manifesto da Iniciativa Galega pola Memoria.

Ler máis

ACTO ANUAL DE HOMENAXE A CARMEN PESQUEIRA DOMÍNGUEZ, A CAPIROTA

O domingo, día 18 de agosto, reunímonos na Praza de Carmen Pesqueira Domínguez, A Capirota, para rendirlle xusta homenaxe.

Ler máis

Asociación pola Recuperación da Memoria Histórica de Marín (ARMH Marín)

Buscar neste blog